DIS A OU AAL UU A FALA JIIZAS FI LIV
Mada an Faada—Elp Yu Pikni Dem Fi Du Wa Jeuova Waahn Dem Fi Du
Wan a di bes ting wan mada an faada kyan du fi elp dem pikni dem fi du wa Jeuova waahn dem fi du a fi mek shuor se dem pikni dem de a aal a di miitn dem. Evriting we dem si an ier an wen dem ansa kwestiyan a di miitn dem a-go elp dem fi lorn muor bout Jeuova an ton im fren. (De 31:12, 13) Wa yu kyan du fi elp yu pikni dem fi lorn muor a di miitn dem?
Du evriting we unu kyan du fi go a di miitn dem a di Kindom Aal.—Ps 22:22
Mek shuor se dem av taim fi taak tu di breda an sista dem bifuo ar afta di miitn dem.—Iib 10:25
Mek shuor se evribadi iina di fambili av dem uona buk an pamplet we dem a-go yuuz a di miitn dem.
Elp yu pikni dem fi pripier fi di miitn dem an ansa fram dem aat.—Mt 21:15, 16
No se notn bad bout di miitn dem, taak bout di gud sitn dem we gwaan de
Mek yu pikni dem elp kliin di Kindom Aal an taak tu di breda an sista dem we op iina iej
A wol iip a wok fi elp yu pikni dem fi ton Jeuova gud gud fren, bot iivn duo it mait-a aad somtaim, memba se Jeuova a-go elp yu.—Isa 40:29.
WACH DI VIDIYO MADA AN FAADA—DIPEN PAN JEUOVA AN IM WI GI YU DI CHRENT WE YU NIID, AN DEN ANSA DEM KWESTIYAN YA:
Wa did a apm kaaz a ou Zack an Leah did taiyad aal di taim?
Wa mek di mada an faada dem fi dipen pan Jeuova wen dem niid chrent?
Ou Zack an Leah did shuo se dem a dipen pan Jeuova fi elp dem?