DIS A OU AAL UU A FALA JIIZAS FI LIV
Mada An Faada—Tiich Yu Pikni Dem Ou Dem Kyan Mek Jeuova Api
Jeuova lov di pikni dem bad bad. Yu si wen dem a du tingz fi sorv im an dem a tan op chrang, Jeuova si aal a dat. (1Sa 2:26; Lu 2:52) Aal di likl likl pikni dem kyan du tingz we a-go mek Jeuova api. (Pr 27:11) A wol iip a tingz Jeuova yuuz im aaganaizieshan fi gi di mada an faada dem so dat dem kyan tiich dem pikni dem fi lov im an du wa im waahn dem fi du.
WACH DI VIDIYO UNU WE A PIKNI—WEN YU ENG AAN AN TAN OP CHRANG YU A-GO MEK JEUOVA API! AN DEN ANSA DEM KWESTIYAN YA:
Wa a som a di sitn dem we Jeuova yuuz fi elp di pikni dem?
Wa a som a di sitn dem we Jeuova gi di mada an faada dem fi elp dem rait ya nou?
Ef yu a wan pikni tel wi bout sitn we Jeuova gi yu we riili elp yu an wa mek?