Sitn We Yu Kyan Yuuz Fi Stodi

Yu Kyan Fain Di Preshos Ting Dem Bout Jeuova

Wen wi a riid di Baibl, wi kyan yuuz uol iip a ada buk an pamplet fi andastan wa wi a riid. Wen wi a du dat, wi no onggl waahn fi dwi’it fi nuo bout Jeuova, bot wi waahn fi dwi’it so das wi kyan nuo muor bout im wiez dem so dat wi kyan lov im muor. So wi kyan aks wiself, ‘Da paat ya we mi a riid, wa it a tel mi se bout Jeuova?’

Wen wi a riid, wi kyan luk fi si ou Jeuova shuo se im lov piipl an ou im waiz, an ou im fier, an di sitn dem we im a du we shuo se im av nof powa. Bot memba se wi kyan fain uol iip muor tingz bout di gud wiez dem we Jeuova av. Bot wa els yu kyan du fi fain out muor bout Jeuova wiez dem?

Iina di Watch Tower Publications Index, yu av wan paat we niem “Jehovah,” an anda dat yu av wan neda paat we niem “Qualities by Name.” De-so yu kyan riid bout 50 muor a di difrant difrant wiez dem we Jeuova av. Luk fi di wan we di paat a di Baibl we yu a riid taak bout. (Ef a onggl di Research Guide for Jehovah’s Witnesses yu av fi luk chuu, den luk pan di paat we niem “Jehovah God” an den luk pan di paat anda dat we niem “Jehovah’s Qualities.”)