Ou Yu Kyan Eng Aan An No Gi Op Wen Piipl Naa Chriit Yu Fier?

Riid Jenisiz 37:23-28; 39:17-23 fi lorn bout ou Juozif did eng aan an no gi op wen piipl neehn a chriit im fier.

Luk pan wa did a gwaan. A wa did apm we mek dem staat chriit Juozif bad? (Jen. 37:3-11; 39:1, 6-10) A ou lang dem neehn a chriit Juozif fier fa? (Jen. 37:2; 41:46) Iina di taim wen dem neehn a chriit Juozif fier, a wa Jeuova did du fi Juozif, an wa Im neva du fi im?​—Jen. 39:2, 21; w23.01 17 ¶13.

Lorn som muo. Di Baibl neva mek wi nuo se Juozif did taak op fi imself wen Patifa waif did a tel lai pan im. So ou dem skripcha ya kyan elp wi fi si wa mek Juozif neva se notn wen dis apm tu im? Ar ou dem kyan elp wi fi si se wi no niid fi nuo evriting we did go dong? (Pr. 20:2; Jan 21:25; Aks 21:37) Wa a som a di wiez dem we Juozif av we mait-a did elp im fi eng aan an no gi op wen piipl neehn a chriit im fier?​—Mai. 7:7; Luuk 14:11; Jmz. 1:2, 3.

Wa wi kyan lorn fram dis? Aks yuself dem kwestiyan ya:

• ‘Kaa mi a fala Jiizas, wa a som bad tingz we piipl mait-a du tu mi?’ (Luuk 21:12, 16, 17; Iib. 10:33, 34)

• ‘Wa mi kyan du fi redi op miself fi wen piipl naa chriit mi fier?’ (Sa. 62:7, 8; 105:17-19; w19.07-E 2-7)