Di Wan Dem We Chos Iina Gad Aalwiez Du We Dem Pramis Fi Du

Riid Jojiz 11:30-40 fi si wa wi kyan lorn fram Jefta an im daata bout wa mek wi fi du wa wi pramis se wi a-go du.

Chrai fi fain out muor bout wa yu a riid bout. A ou di Izrel piipl dem we did a du wa Jeuova waahn dem fi du did fiil bout di pramis dem we dem did mek tu Jeuova? (Nom. 30:2) A ou Jefta an im daata shuo se dem chos iina Gad?​—Joj. 11:9-11, 19-24, 36.

Lorn som muo. Wen Jefta did mek di pramis tu Jeuova, a wa im did riili a se? (w16.04-E 7 ¶12) An wa an wa Jefta an im daata did du fi mek shuor se dem du wa dem did pramis Jeuova se dem a-go du? (w16.04-E 7-8 ¶14-16) Wa a som a di sitn dem we di wan dem we a sorv Jeuova tide mait-a pramis im se dem a-go du?​—w17.04-E 5-8 ¶10-19.

Tingk bout di sitn dem we yu a lorn an du dem. Aks yuself dem kwestiyan ya:

• ‘Wa kyan elp mi fi kip di pramis we mi mek tu Jeuova wen mi did gi mi laif tu im an se mi a-go sorv im fi eva?’ (w20.03-E 13 ¶20)

• ‘Wa an wa mi kyan chienj op iina mi laif so das mi kyan du muor fi Jeuova?’

• ‘Wa kyan elp mi fi kip di pramis we mi mek tu mi ozban ar mi waif wen wi did a marid?’ (Mat. 19:5, 6; Ifii. 5:28-33)