Lorn Fram Di Picha Dem

Wi buk an pamplet dem av nof picha iina dem we tiich wi nof sitn. Bot ou yu kyan yuuz dem picha ya fi elp yu?

• Luk pan di picha dem fos bifuo yu riid di lesn. Duohn it se wen yu si wan nais pliet a fuud it mek yu wel waahn fi nyam it? A siem so wen yu si di picha dem, dem a-go mek yu waahn fi nuo muor bout wa yu a luk pan an kaa a dat yu a-go wel waahn fi riid di lesn. So aks yuself, ‘A wa mi si iina di picha?’​—Iemos 7:7, 8.

• Wen yu a riid di lesn, tingk bout wa mek dem yuuz da picha ya. So wa yu kyan du a riid di sitn dem we rait op bout di picha ef dem di de. An tingk bout wa di picha av fi du wid di lesn an wa it av fi du wid yu uona laif an wa yu kyan lorn fram it.

• Afta yu don riid, yuuz di picha dem fi luk bak pan di mien sitn dem we yu did lorn iina di lesn. An den yu kyan lak yu yai an chrai an memba di picha dem an wa yu lorn fram dem.

• So wa mek yu no go bak an luk pan di picha dem iina da magaziin ya an si ef yu memba notn we dem a tiich yu se?