2023 Did Ful A Tingz We Did Mek Piipl Wori An Fret​—⁠Wa Di Baibl Av Fi Se Bout Dis?

Di ting dem we gwaan aal uova di worl iina 2023 mek wi si se wi riili a liv iina “di laas die dem.” (2 Timoti 3:⁠1) Luk pan som a di ting dem we a gwaan ya nou we lain op wid wa di Baibl se wuda gwaan iina dem taim ya.

Wa di Baibl se an ou tingz we a gwaan mach op wid it

“Waar a gwaan a woi woi an waar a gwaan anda unu nuoz.”​—Matyu 24:6.

• “Wi a ier bout muor an muor waar a brok out iina muor an muor plies aal uova di worl.”a

“Ortkwiek a-go apm iina nof nof plies.”​—Maak 13:8.

• “Fram 2023 staat, a bout 13 ortkwiek we mezha muo dan 7 gwaan aal uova di worl. Fi mezha 7 miin se sins dem staat mezha dem, a som a di bigis wan dem de.”b

“Piipl a-go fried.”​—Luuk 21:11.

• “Taim gaan wen piipl did fried se di ort a get tuu waam, a bwail it a bwail ya nou.”​—António Guterres, UN secretary-general.c

“Fuud a-go shaat.”​—Matyu 24:7.

• “2023: Wan neda ier wen it did riili riili aad fi di wan dem we a chogl fi fain fuud fi dem fambili.”d

“Tingz a-go get aad aad.”​—2 Timoti 3:1.

• “Aal uova di worl, outa evri 8 sumadi, wan a dem naa du so gud kaa sopm a mek it aad fi dem tan iina dem rait main.”e

Wa Yu Tingk A-Go Gwaan Iina 2024?

Nobadi kyaahn nuo fi shuor wa a-go gwaan iina 2024. Bot bies pan wa a gwaan rait ya nou, wi kyan si se wi naa go afi wiet lang fi Gad Kindom govament get rid a aal a dem govament ya we de bout nou an get rid a aal a di sitn dem we a kaaz piipl fi sofa an fi wori an fret.​—Daniyel 2:44; Revilieshan 21:4.

Bot fi nou, wen tingz apm we mek wi wori an fret, wi kyan luk tu Gad fi elp wi. Iina di Baibl it se:

“A yu mi a-go luk tu fi elp mi wen mi fiil fried.”​—Saam 56:3.

Ou wi kyan shuo se wi riili biliiv se Gad a-go du we im se im a-go du? Di Baibl mek wi nuo se di taim a-go kom wen nobadi naa go sofa agen, an wi waahn yu fi lorn som muor bout dis. Ef yu chrai out wi frii Baibl stodi, yu a-go get fi nuo bout nof a di ting dem we Gad pramis wi we iina di Baibl we kyan elp yu an yu fambili.