Said Paint

b DIS MIIN SE: “Di lan we piipl a get aal di gud sitn dem we Jeuova a gi di piipl dem we a worship im” a taak bout di blesn dem an evriting we Jeuova a gi di piipl dem we a worship im tugeda az wan. Ya-so wi a get uol iip a buk an pamplet we a mek wi jraa nier tu Gad we naa no uol iip a lai laik we di choch dem a tiich. An wi av uol iip a priichin wok fi du fi tel piipl bout Gad Kindom, an wi lov fi du da wok de. Wi an Jeuova kluos, an wi av wi breda an sista dem we lov wi an wi an dem a liv iina piis, an dem elp wi fi eng aan an go chuu wi prablem dem an stil api. Wi go iina da lan ya wen wi staat fi worship Jeuova di rait wie an wen wi a du evriting we wi kyan du fi fala im.