3. Wen yu av sitn wid sumadi iina di kanggrigieshan, wa yu a-go du?

Wi liv gud wid wi wan aneda, bot non a wi no porfek. An kaaz a dat wi a-go du tingz we mek wi wan aneda fiil a wie ar get beks. A dat mek di Baibl tel wi se wi fi ‘paadn wi wan aneda, jos laik ou di Laad did paadn wi.’ (Riid Koloshan 3:13.) A uol iip a taim wi du tingz fi ort Jeuova bot im stil figiv wi, so im waahn wi fi figiv wi breda an sista dem tu. Ef yu si se yu du sitn fi ort sumadi, yu fi tek di taim fi go mek tingz rait wid dem.​—Riid Matyu 5:23, 24.b

Som a di taim a wi du tingz fi ort ada piipl. Wen dem tingz de gwaan, wa wi fi du? Plie di VIDIYO, an den wi a-go taak bout di neks kwestiyan.

VIDIYO: Wen Wi Mek Piis Wid Wi Breda An Sista Dem, A Nof Blesn Kom Fram Dat (6:01)

• Iina di vidiyo, wa di sista did du fi mek tingz rait wid ar fren?