-
Wa Apm Tu Wi Wen Wi Ded?Yu Kyan Bi Api Nou An Fi Eva!—Wan Baibl Stodi We Yu A-Go Lov Fi Du
-
-
3. Fain out bout wa riili apm tu piipl wen dem ded
Aal uova di worl, piipl biliiv aal kain-a difrant sitn bout wa apm tu piipl wen dem ded. Bot wi nuo se evriting we dem biliiv iina kyaahn chuu.
Iina di ieriya we yu liv, wa a som a di sitn dem we dem biliiv se apm tu sumadi wen dem ded?
Fi fain out wa di Baibl tiich, plie di VIDIYO.
Riid Iikliiziyastiiz 3:20, an den wi a-go taak bout dem kwestiyan ya:
Azkaadn tu da vors ya, wa apm tu sumadi wen dem ded?
Yu tingk se paat a dem stil a liv aal wen dem ded?
Di Baibl tel wi bout Jiizas fren Lazaros we did ded. Wen yu a riid Jan 11:11-14, yu a-go si wa Jiizas did se did apm tu Lazaros. Den wi a-go taak bout dem kwestiyan ya:
Wen sumadi ded, wa Jiizas se it komiin laik?
Jiizas se wen sumadi ded, it komiin laik dem a sliip, so wa dat a tel wi se apm wen sumadi ded?
Wa di Baibl se apm tu sumadi wen dem ded, it mek sens tu yu?
-
-
Yu Piipl We Ded Kyan Kom Bak Alaiv!Yu Kyan Bi Api Nou An Fi Eva!—Wan Baibl Stodi We Yu A-Go Lov Fi Du
-
-
4. Jiizas don mek wi si se im kyan mek ded piipl kom bak alaiv agen
Mek wi luk pan som muo sitn we Jiizas did du fi im brejrin Lazaros. Riid Jan 11:14, 38-44, an den wi a-go taak bout dem kwestiyan ya:
Ou wi nuo se Lazaros did ded fi chuu?—Luk pan vors 39.
Ef Lazaros did de iina evn wen im ded, yu tingk it wuda mek sens fi Jiizas mek im kom bak alaiv pan ort agen?
-