-
Wa Jeuova Komiin Laik?Yu Kyan Bi Api Nou An Fi Eva!—Wan Baibl Stodi We Yu A-Go Lov Fi Du
-
-
3. Ou Jeuova shuo wi se im lov wi?
Di wie ou Jeuova shuo im lov a di bes ting bout im. Di Baibl tel wi se “Gad a lov.” (1 Jan 4:8) Jeuova yuuz di Baibl an di ting dem we im mek fi mek wi si umoch im lov wi. (Riid Aks 14:17.) Luk pan ou im mek wi. Im mek wi so dat wi kyan si priti kola, so dat wi kyan ier nais myuuzik, an wi kyan ties som nais nais fuud. Im waahn wi fi enjai wi laif.
-
-
A Ou Di Rilijan Dem We Naa Worship Gad Di Rait Wie A Tel Lai Pan Gad?Yu Kyan Bi Api Nou An Fi Eva!—Wan Baibl Stodi We Yu A-Go Lov Fi Du
-
-
2. Di rilijan dem we naa worship Gad di rait wie, wa a som a di sitn dem we dem a du we Gad no waahn dem fi du?
Yu si dem rilijan ya, dem naa chriit piipl di wie ou Jeuova wuda chriit piipl. Di Baibl tel wi se di rilijan dem we naa worship Gad di rait wie, dem sin dem “pail op til dem kech a evn.” (Revilieshan 18:5) Fi onjredz a ier nou, di rilijan dem a miks op iina palitiks, a bak waar, an dem kaaz wol iip a piipl fi ded, ar dem did aarait wid ada piipl a kil aaf piipl. Som a dem liida dem a liv big laif, an som a dem a fuos dem memba dem fi pie fi da big laif de. Dem sitn ya we dem a du mek wi si se dem nat iivn nuo Gad. So dem kyaahn tel wi wa Gad waahn wi fi nuo.—Riid 1 Jan 4:8.
-