Ou Wi Kyan Du Beta Wen Wi A Priich An Tiich​—Ou Wi Kyan Priich Tu Sumadi Pan Dem Kyamara Ar Pan Dem Boza?

WA MEK WI FI DWI’IT: Nowadiez kaaz so moch piipl nuo uol iip bout kompyuuta an fuon an dem sitn de, an so moch tiif de bout, piipl afi put op sikyorti kyamara an boza fi protek dem yaad. Wi mait-a fried fi priich tu sumadi we wi kyaahn si, bot dem kyan si wi. Si fuor sitn ya we kyan elp wi fi no fried fi taak tu piipl pan dem kyamara ar pan dem boza.

OU WI FI DWI’IT:

• No tingk se dem naa go taak tu yu. Nof a di piipl dem we av kyamara ar boza wi taak tu wi wen wi priich tu dem

• Memba se som a di kyamara dem staat rikaad yu iivn bifuo yu pres di bel. An dem mait-a wach wa yu a du an lisn wa yu a se fram yu riich dem giet ar dem duor

• Wen di sumadi ansa, taak iina di boza ar pan di kyamara. Yu fi sumail an taak jos laik ou yu wuda du ef dem did tan op infronta yu. Jos se di siem ting we yu wuda se ef dem did kom a di duor. Ef wan kyamara de de no push op yu fies iina it. Ef nobadi no ansa yu, no bada se notn

• Afta yu don taak tu di sumadi, memba se dem mait-a stil de de a wach yu an a lisn tu wa yu a se