Di Ting Dem We Jeuova Mek, Mek Wi Nuo Fi Shuor Se Im Waiz

Yu tingk Jeuova a di bes Sumadi fi tel wi wa fi du? Ye man! Kaa wi nuo se a so it go fi chuu, wi wi du wa Jeuova se wi fi du an dat wi shuo se wi av sens. (Pr 16:3, 9) Bot it mait-a aad fi wi du wa Jeuova se wi fi du, wen di sitn dem we im se wi fi du no lain op wid wa wi tingk se wi fi du. Wen wi tek di taim fi luk pan di sitn dem we Jeuova mek, it kyan elp wi fi nuo se Jeuova waiz fi chuu.​—Pr 30:24, 25; Ruo 1:20.

WACH DI VIDIYO A SUMADI DID MEK IT? OU DI ANS DEM GO WICH PAAT DEM A GO AN NO BOK OP IINA DEM WAN ANEDA? AN DEN ANSA DEM KWESTIYAN YA:

• Wa di ans dem du evri die?

• Wa di ans dem du so dat dem no bok op iina dem wan aneda?

• Di wie ou di ans dem muuv bout di plies an no bok op iina dem wan aneda, wa piipl kyan lorn fram dat?

WACH DI VIDIYO A SUMADI DID MEK IT? WA MEK DI BIIZ DEM KYAN FLAI IINA DI SKAI AN BRIIZ NO BLUO DEM WE? AN DEN ANSA DEM KWESTIYAN YA:

• Wen dem a flai di likl plien dem, wa a som a di sitn dem we piipl fain it aad fi du?

• Wa mek di biiz dem kyan flai an briiz no bluo dem we?

• Wen piipl luk pan ou di biiz dem flai an no get bluo we, ou dat mait-a elp wi iina di fyuucha?

Wen yu luk pan di sitn dem we Gad mek we de wich paat yu liv, ou dem shuo yu se Jeuova waiz?