Di Piipl Dem We Yu A Taak Tu Panlain, Yu Riili Nuo A Uu Dem Bi?

Wen tuu sumadi a fren, it miin se dem stik tu dem wan aneda an dem av nof rispek fi dem wan aneda. A afta Dievid did kil Golaiyat im an Janatan did ton gud gud fren. (1Sa 18:1) Dem did ton fren kaaz dem did si tingz iina dem wan aneda we dem did riet. So ef wi a-go ton gud gud fren wid sumadi, wi afi nuo uu dem riili bi. An it a-go tek taim fi wi du dat. Bot wen wi de panlain, it iizi fi jos pres wan botn an se wi an sumadi ton fren. It iizi fi piipl aid uu dem riili bi panlain, kaaz dem kyan plan op wa dem a-go se. An di sitn dem we dem shuo a wa dem waahn piipl fi si. So wi fi mek shuor se wi tingk bout uu an uu a-go bi wi fren panlain. Ef sumadi we yu no nuo chrai fi bi yu fren panlain, no bada fiil no wie fi tel dem nuo. Kaa som piipl nuo di bad sitn dem we kyan apm wen dem a diil wid piipl panlain, dem no bada av notn fi du wid dat. Bot sopuoz yu waahn fi diil wid piipl panlain? Wa’a som a di ting dem we yu fi tingk bout?

WACH DI VIDIYO YU FI NUO WA YU A DU WEN YU A DIIL WID PIIPL PANLAIN, AN DEN ANSA DEM KWESTIYAN YA:

• 

  Wa yu fi tingk bout bifuo yu rait tingz ar put op picha panlain?

• 

  Wa mek yu fi tek di taim fi tingk bout uu a-go bi yu fren panlain?

• 

  Wa mek yu no fi spen no wol iip a taim a diil wid piipl panlain?​—Ifii 5:15, 16