Gruo, an Get Chrangga Iina di Fiet!

1. Mek wi gruo an get chrangga iina di fiet!

No ton bak; chrai lorn muo. Dat wi elp wi stie awiek.

Wi fi chrai aad fi du beta evri die

An no aalwiez stie siem wie.

Jiizas Krais, im did priich an did tiich,

An im se aal a wi fi go dwi’it.

Mek wi prie an wok aad fi impruuv wi skilz,

An a dat wi Gad wi bles.

2. Mek wi go an go priich bout di Wod a Gad.

It no iizi somtaim kaa som piipl chriit wi bad.

Bot no wach dat; dipen pan Jeuova Gad.

Im wi elp wi fi go aan.

Kaaz di nyuuz we wi kyari, it gud,

So wi priich, laik Gad tel wi fi du

Pan di schriit, pan di fuon ar fram duo tu duo.

Mek wi priich buot nier an faar.

3. Wen yu fain piipl uu waahn fi lorn som muo,

No figet fi pripier an go bak go elp dem gruo

Kaaz a nof wok stil di de fi yu fi du.

An Gad spirit gweehn elp yu.

Mek wi go bak agen an agen.

Mek wi elp piipl ier an ripent.

Mek wi lov dem an elp dem fi ton Gad fren.

Wi an dem kyan gruo an gruo.