SANG 94
Wi Tangk Jeuova fi im Wod
Di Wan We Print
1. Jeuova, wi jos waahn fi tel yu umoch
Wi glad fi yu Wod, we wi nuo wi kyan chos.
Yu mek man rait di Baibl
Fi tiich wi bout di chuut.
It frii wi an gi wi wan fyuucha we gud.
2. Di laa dem yu gi wi, dem elp wi fi si
Di kain a sumadi yu waahn wi fi bi.
Yu Wod, it av di powa
Fi chienj wa iina wi,
An elp wi fi du tingz we mek yu api.
3. Yu kuda yuuz ienjel fi rait aal yu Wod.
Insted, yu yuuz man we a jos flesh an blod.
Bikaaz dem stie jos laik wi,
Dem fiil siem wie wi fiil.
Yu yuuz dem fi rait mek wi bil chos we riil.
(Riid Ps. 19:9; 119:16, 162; 2 Tim. 3:16; Jiemz 5:17; 2 Pii. 1:21 tu.)