Mi Waahn Dwi’it

1. Jiizas Krais did pieshent an kain.

Im shuo fi im lov aal di taim.

An di wie ou im chriit

Aal uu im did miit,

It elp dem fi av piis a main.

Im did aalwiez du fi im bes

Fi elp uu av prablem an schres.

So wen piipl did beg: “Elp mi, du, pliiz,”

Im redi an se: “Mi waahn dwi’it.”

2. Wi mos chrai fi fala ou Krais

Did liv an did chriit piipl rait.

Wi fi chrai du wi bes—

No gi notn les;

Elp piipl lorn bout di riil laif.

Wen wi breda dem niid a an,

Wi jomp fi go du we wi kyan.

Iivn duo it no aalwiez gweehn iizi,

Wi redi an se: “Mi waahn dwi’it.”