Di Prieya we Gad Sorvant Prie

1. Almaiti Gad, Jeuova, wi Faada,

Mek wi rispek yu niem an gi yu ana.

Aal we yu waahn, yu mek it kom chuu.

Bring fi yu Kindom, Faada, wi beg yu.

Wi luk faawod fi di taim

Wen yu Kindom bring riil laif.

2. Iina wi laif, wi si ou yu bles wi;

Tangk yu, wi Gad, fi aal yu du fi elp wi.

Yu gi wi gaidans fram fi yu Wod

So wi kyan liv wi laif mek yu fiil proud.

Tangk yu iich an evri die

Fi yu kain an lovin wiez.

3. Wen laif no iizi, beg yu fi elp wi

Luk tu di uop an stik tu wa yu tel wi.

So wen wi chuo wi bordn pan yu,

Beg yu fi tek i’; elp wi fi chos yu.

Aal wi pramis yu fi du—

Elp wi dwi’it fi ana yu.