SANG 38
Jeuova Gweehn Mek Yu Schrang
1. Jeuova si wan speshal ting iina yu aat—
Dats wai im kyar’ di chuut kom gi tu yu.
Im si yu wel waahn lorn di chuut bout aal im wiez;
Im waahn yu laif lain op wid aal we chuu.
Yu tel im se yu gweehn sorv im aluon.
Im kier fi yu an tek yu az im uon.
(KUOROS)
Jeuova a yu Uona;
Im Son blod pie fi yu.
So im gweehn gi yu elp,
An schrent an korij tu.
Im gaid yu an protek yu,
Gi yu lait fi go chuu.
Yes, im gweehn gi yu elp,
An schrent an korij tu.
2. Di Son im lov so moch—a im Gad sen fi yu.
Dat shuo umoch im waahn yu fi get laif.
Jos tingk umoch it pien Gad aat fi wach im ded—
Den duont it Gad gweehn gi yu schrent an mait?
Az lang az yu obie im, yu wi win.
Im naa figet di gud yu du fi im.
(KUOROS)
Jeuova a yu Uona;
Im Son blod pie fi yu.
So im gweehn gi yu elp,
An schrent an korij tu.
Im gaid yu an protek yu,
Gi yu lait fi go chuu.
Yes, im gweehn gi yu elp,
An schrent an korij tu.
(Riid Ruo. 8:32; 14:8, 9; Iib. 6:10; 1 Pii. 2:9 tu.)