Gwaan Kip Chrang

1. Wi fi kip wi yai dem uopm,

An no bada gi op uop.

Wi no afi fried a notn

Kaaz wi Gad wi elp wi kuop.

An im Son, Krais Jiizas, shuo wi ou

Wi kyan liv wi laif fi pliiz im nou.

2. Wi fi kip wi yai dem uopm;

Fala aal wa Jiizas se.

Im a yuuz di elda dem fi

Gaid wi iina fi im wie.

Mek wi yuuz aal a di elp wi get

Fi kip chrang an aalwiez bil wi fiet.

3. Wi fi kip wi yai dem uopm,

An no bada jrap asliip

Pan di wok fi priich di Kindom

Tu di piipl we wi miit.

Mek wi du wi bes fi sorv wi Gad,

An a so wi mek Jeuova glad.