Bi Jengkl, Gud an Kain

1. Jeuova jengkl, gud an kain.

Im kwik fi elp wi evri taim.

It mek im api wen im si

Di gud wi du fi uu roun wi.

Wen piipl ton we fram dem sin,

An shuo se dem naa dwi’it agen,

Jeuova Gad wi paadn dem.

An im wi tek dem az im fren.

2. Wen wi get paadn fram wi Gad,

It fiil so gud; it mek wi glad!

Bot somtaim piipl sin gens wi.

It bon wi; wi kyaahn iivn sliip.

So Jiizas shuo wi wa fi du

Ef piipl sin gens mi an yu.

Wi afi kwik fi paadn dem

Ef wi waahn kip Gad az wi Fren.

3. Wen taim wi jengkl, gud an kain,

It gi wi jai an piis-a-main.

Wen wi du gud, a no fi shuo.

An wi naa dwi’it fi piipl nuo.

Wi Gad wi nuo aal we yu du;

Im pramis fi tek kier a yu.

Yes, aal uu jengkl, gud an kain

Gweehn get Gad blesn aal di taim.