Kidung Agung
7 ”Cah wédok sing apikan,
Sikilmu sing nganggo sandhal kuwi apik banget.
Bentuké pinggangmu kaya perhiasan,
Sing digawé tukang sing trampil.
2 Pusermu kaya mangkok bunder,
Sing ora tau kekurangan anggur.
Wetengmu kaya tumpukan gandum,
Sing diubengi kembang lili.
3 Payudaramu kaya anak kidang loro,
Anak kidang kembar.+
4 Gulumu+ kaya menara saka gading.+
Irungmu kaya menara ing Lébanon
Sing madhep Damaskus.
5 Sirahmu kaya Gunung Karmèl+ sing apik banget.
Raja kesengsem karo rambutmu sing dawa lan apik.
6 Sayangku, kowé ayu lan nyenengké banget,
Luwih saka apa waé sing nyenengké.
7 Pawakanmu kaya wit palem,
Lan payudaramu kaya buah kurma sak grombol.+
8 Aku ngomong, ’Aku bakal mènèk wit palem kuwi
Bèn isa methik buahé.’
Muga-muga payudaramu kaya buah anggur sak grombol.
Ababmu wangi kaya apel,
9 Lan cangkemmu kaya anggur sing paling apik.”
”Muga-muga kuwi mili kanggo kekasihku,
Mili ing lambéné kekasihku sing lagi turu.
10 Aku duwèké kekasihku.+
Mung aku sing dipéngini kekasihku.
12 Ayo tangi ésuk-ésuk, terus lunga ing kebon anggur,
Bèn isa ndelok apa wit anggur wis metu tunasé*
Lan apa kembangé wis mekar,+
Ndelok apa wit delima wis metu kembangé.+
Ing kana, aku bakal nduduhké rasa sayangku marang kowé.+
13 Ambuné buah nyebar+ tekan ngendi-endi.
Ana akèh buah ing ngarep lawang,+
Sing lagi waé dipethik utawa sing wis suwé disimpen.
Kuwi kabèh tak simpen kanggo kowé, sayangku.