15 ”Terus, kowé kudu njupuk salah siji domba lanang mau. Harun lan anak-anaké kudu ndèlèhké tangané ing endhasé domba kuwi.+ 16 Belèhen domba kuwi, lan cipratna getihé ing sak ubengé mézbah.+ 17 Domba kuwi kudu mbok potong-potong, terus usus lan sikilé* kudu mbok kumbah.+ Potongan-potongan lan endhasé domba kuwi kudu mbok jèjèrké ing ndhuwur mézbah. 18 Kabèh bagéan domba kuwi kudu mbok obong ing ndhuwur mézbah bèn asapé munggah. Kuwi persembahan bakaran kanggo Yéhuwah, persembahan sing ambuné nggawé Dhèwèké seneng.+ Kuwi persembahan bakaran sing diobong kanggo Yéhuwah.

4 Kowé kudu numpangké tanganmu ing ndhuwur endhasé kéwan persembahan bakaran mau, lan dosa-dosamu bakal diapura.