20 Terus Yéhuwah kandha marang Harun, ”Kowé ora bakal nampa warisan ing Israèl, lan tanahé wong-wong kuwi ora bakal dadi duwèkmu. Aku bakal njaga kowé lan nyedhiakké kebutuhanmu*+ ing antarané wong Israèl.+

24 Aku wis mènèhké marang wong Lèwi sepersepuluh bagéan sing disumbangké wong Israèl marang Yéhuwah dadi warisan kanggo wong Lèwi. Kuwi sebabé aku kandha marang wong-wong kuwi, ’Ing antarané wong Israèl, wong Lèwi ora éntuk jatah warisan.’”+

9 Kuwi sebabé, wong Lèwi ora dikèki warisan kaya sedulur-seduluré. Yéhuwah sing bakal nyedhiakké kebutuhané,* kaya sing wis diomongké Yéhuwah Gusti Allahmu marang wong-wong kuwi.+

28 ”Saben akhir taun ketelu, kowé kudu nggawa kabèh sepersepuluh saka hasil panèn ing taun kuwi lan kudu mbok simpen ing kutha-kuthamu.+ 29 Sakwisé kuwi, wong Lèwi sing ora dikèki warisan kaya kowé, wong asing, anak yatim,* lan randha, sing ana ing kutha-kuthamu bakal teka lan mangan nganti wareg.+ Terus, Yéhuwah Gusti Allahmu bakal mberkahi kabèh sing mbok tindakké.+

14 Mung suku Lèwi sing ora diwènèhi warisan.+ Sing dadi warisané wong-wong kuwi yaiku persembahan sing diobong nganggo geni kanggo Yéhuwah Gusti Allahé Israèl+ kaya sing dijanjèkké Gusti Allah marang suku Lèwi.+