25 Musa milih wong-wong lanang Israèl sing trampil lan mènèhi wong-wong kuwi tugas dadi pemimpiné wong sèwu, pemimpiné wong satus, pemimpiné wong sèket, lan pemimpiné wong sepuluh. 26 Wong-wong kuwi dadi hakim wektu ana masalah. Sing ènthèng diputuské dhéwé, lan sing abot dipasrahké Musa.+

16 ”Wektu kuwi aku ngandhani para hakim sing ana ing antaramu, ’Nèk ana wong sing nduwé masalah karo wong liya, terus dhèwèké marani kowé, kowé kudu adil+ wektu ngadili kasusé wong kuwi, embuh kuwi masalahé karo sing padha-padha wong Israèl utawa karo wong asing sing manggon karo kowé.+

4 Yéhosyafat tetep manggon ing Yérusalèm, lan dhèwèké marani manèh rakyaté saka Béèr-syéba nganti dhaérah pegunungan Éfraim+ kanggo nyemangati wong-wong kuwi bèn ngibadah manèh marang Yéhuwah Gusti Allahé nènèk moyangé.+ 5 Dhèwèké ya nglantik hakim-hakim ing kabèh dhaérah Yéhuda lan ing saben kutha+ sing nduwé bèntèng ing Yéhuda.