24 Terus bojoné Manoah nglairké anak lanang, lan bocah kuwi dijenengi Simson.+ Bocah kuwi tambah gedhé, lan Yéhuwah terus mberkahi dhèwèké. 25 Simson éntuk roh suciné+ Yéhuwah ing Mahané-dan,+ ing antarané Zora lan Èstaol.+

5 Mula, Simson mangkat bareng karo bapaké lan ibuné menyang Timnah. Pas tekan ing kebon anggur Timnah, ana singa nggero-nggero marani Simson. 6 Terus, roh suciné Yéhuwah mènèhi Simson kekuwatan,+ lan Simson nyuwèk singa kuwi dadi loro mung nganggo tangané kaya wong nyuwèk anak kambing. Ning, sing dhèwèké tindakké kuwi ora dicritakké marang bapaké lan ibuné.