3 Iki anak-anaké lanang Daud sing lair ing Hébron:+ sing pertama jenengé Amnon,+ ibuné yaiku Ahinoam+ wong Yizréèl; sing nomer loro jenengé Danièl, ibuné yaiku Abigail+ wong Karmèl; 2 sing nomer telu jenengé Absalom+ anaké Maaka anaké wédok Talmai raja Gésyur; sing nomer papat jenengé Adoniya+ anaké Hagit; 3 sing nomer lima jenengé Syéfatia, ibuné yaiku Abital; lan sing nomer enem jenengé Itréam, ibuné yaiku Égla bojoné Daud. 4 Enem anaké Daud kuwi lair ing Hébron. Daud mréntah ing kono suwéné 7 taun 6 sasi lan mréntah ing Yérusalèm+ suwéné 33 taun.

5 Anak-anaké Daud sing lair ing Yérusalèm+ yaiku Syiméa, Syobab, Natan,+ lan Salomo.+ Ibuné anak papat kuwi yaiku Bat-syéba+ anaké Amièl. 6 Anak sanga liyané yaiku Ibhar, Èlisyama, Èlifèlèt, 7 Noga, Nèfèg, Yafia, 8 Èlisyama, Èliada, lan Èlifèlèt. 9 Kuwi kabèh anak-anaké lanang Daud, durung termasuk anak-anaké lanang para gundhiké lan seduluré wédok anak-anaké Daud yaiku Tamar.+