4 Yéhoas kandha marang para imam, ”Jupuken kabèh dhuwit sing digawa menyang omahé Yéhuwah kanggo persembahan suci,+ yaiku dhuwit pajeg sing kudu dibayar saben wong,+ dhuwit saka wong-wong sing wis nggawé sumpah, lan kabèh dhuwit sing digawa wong-wong menyang omahé Yéhuwah merga réla.+ 5 Para imam bakal nampa kuwi saka wong-wong sing nyumbang* lan nggunakké kuwi kanggo ndandani saben bagéan sing rusak* ing omah kuwi.”+

29 Pas mréntah dadi raja, Hizkia+ umuré 25 taun lan mréntah 29 taun suwéné ing Yérusalèm. Ibuné jenengé Abiya anaké Zakharia.+

3 Ing taun pertama pamréntahané, ing sasi pertama, dhèwèké mbukak lan ndandani lawang-lawang omahé Yéhuwah.+

9 Wong-wong lunga marani Imam Agung Hilkia lan mènèhi dhuwit sing digawa menyang omahé Gusti Allah, yaiku sing wis diklumpukké wong Lèwi penjaga lawang. Dhuwit kuwi diklumpukké saka Manasyé, Éfraim, lan kabèh wong Israèl liyané,+ lan saka Yéhuda, Bènyamin, lan penduduk Yérusalèm. 10 Bar kuwi, wong-wong mau mènèhké dhuwit kuwi marang wong-wong sing ditugaské kanggo ngawasi gawéan ing omahé Yéhuwah. Terus, wong-wong sing kerja ing omahé Yéhuwah nggunakké dhuwit kuwi kanggo ndandani omah kuwi.