PERPUSTAKAAN ONLINE Warta Penting

Ayub 34:11

Kitab Suci Terjemahan Donya Anyar
- 11 Gusti Allah mbales manungsa sesuai karo tumindaké+
  Lan nggawé manungsa ngrasakké akibat saka kelakuané.

Wulang Bebasan 24:12

Kitab Suci Terjemahan Donya Anyar
- 12 Ning, nèk kowé ngomong, ”Aku ora ngerti apa-apa soal kuwi,”
  Apa Dhèwèké sing ngerti isi atiné* manungsa ora isa ngerti pikiranmu?+
  
  Dhèwèké sing ngamati kowé bakal ngerti sing mbok pikirké
  Lan bakal mbales saben manungsa manut karo tumindaké dhéwé-dhéwé.+

2 Korintus 5:10

Kitab Suci Terjemahan Donya Anyar
- 10 Awaké dhéwé kabèh bakal diadili karo* Kristus. Saben wong bakal diadili sesuai karo tumindaké sing dilakoni wektu isih nganggo badan manungsa, embuh kuwi apik utawa èlèk.+

Galatia 6:7

Kitab Suci Terjemahan Donya Anyar
- 7 Aja ngapusi awakmu dhéwé.* Gusti Allah ora isa diapusi. Apa sing disebar wong, ya kuwi sing bakal dipanèn.+

2 Timotius 4:14

Kitab Suci Terjemahan Donya Anyar
- 14 Alèksander tukang tembaga kuwi nggawé aku sengsara banget. Yéhuwah* bakal mbales dhèwèké sesuai karo tumindaké.+

Wahyu 20:12, 13

Kitab Suci Terjemahan Donya Anyar
- 12 Terus, aku ndelok wong-wong mati, yaiku wong biasa lan wong penting, ngadeg ing ngarepé takhta kuwi, lan gulungan-gulungan dibukak. Ning ana gulungan liya sing dibukak, yaiku gulungan kehidupan.+ Wong-wong mati kuwi diadili sesuai karo apa sing ditulis ing gulungan kuwi, nurut tumindaké wong-wong kuwi.+ 13 Laut nyerahké wong-wong mati sing ana ing njeroné. Kematian lan Kuburan* ya nyerahké wong-wong mati sing ana ing njeroné. Saben wong bakal diadili nurut tumindaké dhéwé-dhéwé.+

Wahyu 22:12

Kitab Suci Terjemahan Donya Anyar
- 12 ”’Aku bakal ndang teka. Aku nggawa upah kanggo mbales saben wong sesuai karo tumindaké.+