6 Yéhuwah kandha, ”Wong-wong kuwi isa ngumpul dadi siji merga nggunakké basa sing padha.+ Nèk saiki waé wong-wong kuwi kaya ngono, mengko mesthi wong-wong kuwi isa nindakké apa waé sing direncanakké. 7 Ayo awaké dhéwé+ mudhun lan nggawé wong-wong kuwi ngomong nganggo basa sing béda-béda, bèn wong-wong kuwi ora paham karo omongané wong liyané.”

19 Yusuf kandha, ”Aja wedi. Aku dudu Gusti Allah sing isa ngadili kowé. 20 Senajan wektu kuwi kowé nduwé niat jahat marang aku,+ Gusti Allah ngubah kuwi dadi apik kanggo nylametké wong akèh, kaya sing mbok delok saiki.+

30 Wong sing nglawan Yéhuwah ora bakal nduwé kawicaksanan, pengertian, lan pemahaman.+

35 Kabèh penduduk bumi ora ana apa-apané nèk dibandhingké Dhèwèké. Dhèwèké nindakké apa waé sing dipéngini marang kabèh pasukan langit lan penduduk bumi. Ora ana sing isa ngalang-alangi Dhèwèké+ utawa kandha, ’Ngapa kok Njenengan nindakké kuwi?’+

38 Mula, nèk ndelok keadaan saiki, kowé tak kandhani, aja mèlu-mèlu urusané wong-wong iki, ning ejarna waé. Nèk wulangan lan gawéan iki saka manungsa, mengko kan ilang dhéwé. 39 Ning, nèk iki asalé saka Gusti Allah, kowé ora bakal isa ngalahké wong-wong iki.+ Kowé malah kudu ngati-ati merga isa waé jebulé kowé nglawan Gusti Allah.”+