• Yésaya 2:3, 4
    Kitab Suci Terjemahan Donya Anyar

    •  3 Wong-wong saka bangsa liya bakal lunga mrono lan kandha,

      ”Ayo munggah ing gunungé Yéhuwah,

      Ing omahé Gusti Allahé Yakub.+

      Dhèwèké bakal ngajari awaké dhéwé soal dalané,

      Lan awaké dhéwé bakal mlaku ing dalané.”+

      Hukum* bakal metu saka Zion,

      Lan omongané Yéhuwah bakal metu saka Yérusalèm.+

       4 Gusti Allah bakal dadi hakimé bangsa-bangsa

      Lan bakal mènèhi petunjuk marang bangsa-bangsa.

      Wong-wong bakal nggawé pedhangé dadi pisau bajak

      Lan tombaké dadi arit.+

      Bangsa ora bakal perang nglawan bangsa

      Lan ora bakal ajar perang manèh.+

  • Yésaya 11:6-9
    Kitab Suci Terjemahan Donya Anyar

    •  6 Serigala bakal dolan bareng karo anak domba.+

      Macan tutul bakal turonan karo anak kambing.

      Anak sapi bakal dolan bareng karo singa* lan kéwan sing lemu.*+

      Kabèh kéwan kuwi bakal dipimpin karo bocah cilik.

       7 Sapi bakal mangan bareng karo beruang,

      Lan anak-anaké bakal turonan bareng.

      Singa bakal mangan suket kaya sapi.+

       8 Bocah cilik sing isih nyusu bakal dolanan ing cedhaké sarang ula kobra,

      Lan bocah cilik* bakal nglebokké tangané ing bolongané ula beracun.

       9 Ora ana sing bakal nyebabké cilaka utawa nggawé rusak+

      Ing kabèh wilayahé gunung-Ku sing suci,+

      Merga pengetahuan soal Yéhuwah bakal ngebaki bumi

      Kaya banyu sing ngebaki laut.+

  • Mikha 4:2
    Kitab Suci Terjemahan Donya Anyar

    •  2 Akèh bangsa bakal mara lan kandha,

      ”Ayo awaké dhéwé munggah menyang gunungé Yéhuwah,

      Menyang omahé Gusti Allahé Yakub.+

      Dhèwèké bakal mulang awaké dhéwé soal dalané,

      Lan awaké dhéwé bakal mlaku ing dalané.”

      Sebab saka Zion bakal ana hukum,*

      Lan saka Yérusalèm bakal ana omongané Yéhuwah.