• Yésaya 65:13, 14
    Kitab Suci Terjemahan Donya Anyar

    • 13 Yéhuwah Gusti sing Mahakuwasa ngomong ngéné,

      ”Abdi-Ku bakal mangan, tapi kowé bakal ngelih.*+

      Abdi-Ku bakal ngombé,+ tapi kowé bakal ngelak.

      Abdi-Ku bakal ngrasa seneng,+ tapi kowé bakal ngrasa isin.+

      14 Abdi-Ku bakal sorak-sorak merga atiné seneng,

      Tapi kowé bakal nangis merga sedhih

      Lan nangis banter banget merga ora nduwé semangat manèh.

  • Yérémia 17:13
    Kitab Suci Terjemahan Donya Anyar

    • 13 Oh Yéhuwah, harapané Israèl,

      Kabèh sing ninggalké Njenengan bakal digawé isin.

      Wong-wong sing nyimpang saka Njenengan* bakal disingkirké.*+

      Sebab wong-wong kuwi wis ninggalké Yéhuwah, sumberé banyu sing marahi urip.+

  • Yérémia 17:18
    Kitab Suci Terjemahan Donya Anyar

    • 18 Bèn waé wong-wong sing nganiaya aku digawé isin,+

      Ning aja nganti aku sing digawé isin.

      Bèn waé wong-wong kuwi dadi wedi,

      Ning aja nganti aku sing wedi.

      Gawénen wong-wong kuwi kena bencana.+

      Remuken lan hancurna kabèh wong kuwi nganti entèk.