19 ”Kaya singa sing metu saka semak belukar+ ing sepanjang Kali Yordan, bakal ana wong sing metu lan nyerang padhang rumput Édom sing aman. Ning wektu kuwi, Aku bakal nggawé wong Édom mlayu saka tanahé. Terus, Aku bakal nglantik wong sing wis Tak pilih kanggo mimpin Édom, sebab sapa sing kaya Aku? Sapa sing bakal nantang Aku? Apa ana gembala sing isa ngadhepi Aku?+ 20 Mula, rungokna keputusané Yéhuwah soal Édom lan apa sing wis Dhèwèké pikirké soal penduduk Téman:+

Anak-anak domba mesthi bakal disèrèt lan dipatèni.

Panggonané bakal digawé telantar merga tumindaké wong-wong kuwi.+

21 Pas Édom disingkirké, swarané bakal nggawé bumi goncang.

Bakal ana swara bengok-bengok.

Swarané bakal krungu nganti tekan Laut Merah.+