3 Yéhuwah kandha, ”Bakal tekan wektuné Aku nglumpukké umat-Ku sing ditawan, yaiku Israèl lan Yéhuda,”+ kandhané Yéhuwah, ”lan Aku bakal nggawa wong-wong kuwi bali menyang tanah sing wis Tak wènèhké marang nènèk moyangé, lan tanah kuwi bakal dadi duwèké wong-wong kuwi manèh.”’”+

13 Domba-domba-Ku bakal Tak gawa metu saka bangsa-bangsa lan Tak klumpukké saka akèh negara. Domba-domba kuwi bakal Tak gawa bali menyang negarané lan Tak wènèhi pangan ing gunung-gunung Israèl,+ ing cedhak kali-kali, lan ing kabèh dhaérah sing dienggoni ing negara kuwi.