• Mazmur 50:8-15
    Kitab Suci Terjemahan Donya Anyar

    •  8 Aku nyenèni kowé dudu merga korban sing mbok wènèhké,

      Lan dudu merga persembahan bakaran sing terus mbok wènèhké marang Aku.+

       9 Aku ora butuh sapi saka omahmu

      Utawa kambing* saka kandhangmu,+

      10 Merga kabèh kéwan liar ing hutan kuwi duwèk-Ku,+

      Lan kéwan liar sing manggon ing kabèh gunung kuwi ya duwèk-Ku.

      11 Aku ngerti saben manuk ing gunung.+

      Kabèh kéwan ing padhang kuwi duwèk-Ku.

      12 Nèk Aku ngelih,* Aku ora bakal njaluk mangan saka kowé,

      Merga bumi sak isiné kuwi duwèk-Ku.+

      13 Apa Aku perlu mangan dagingé sapi

      Lan ngombé getihé kambing?+

      14 Wènèhna korban marang Gusti Allah,+ yaiku ucapan syukur,

      Lan kowé kudu nepati janjimu marang Sing Mahaluhur.+

      15 Kowé kudu njaluk tulung marang Aku pas lagi susah.+

      Aku bakal nylametké kowé, lan kowé bakal ngluhurké Aku.”+