Mazmur
Kanggo pemimpin musik: Nurut lagu ”Aja Nyingkirké”. Lagu sing digawé Daud. Miktam.*
58 Hé kowé kabèh, nèk kowé meneng waé, apa kowé isa ngomongké sing bener?+
Apa kowé isa adil wektu ngadili?+
3 Kèt lair,* wong sing jahat wis nyimpang.*
Kèt lair, wong-wong kuwi bejat lan seneng ngapusi.
4 Omongané kaya racuné ula.+
Wong-wong kuwi budheg kaya ula kobra sing nutup kupingé.
5 Ula kuwi ora ngrungokké swarané pawang,
Senajan pawangé nggunakké mantra sing ampuh.
6 Oh Gusti Allah, remuken untuné wong-wong jahat kuwi.
Oh Yéhuwah, remuken rahangé wong-wong sing kaya singa* kuwi.
7 Muga-muga wong-wong kuwi ora ana manèh kaya banyu sing mili nganti entèk.
Muga-muga Gusti Allah nyiapké* busur panahé lan manah wong-wong kuwi.
8 Muga-muga wong-wong kuwi kaya bekicot sing arep mati.*
Muga-muga wong-wong kuwi kaya bayi sing mati sakdurungé lair, sing durung tau ndelok matahari.
9 Kowé nyumet geni nganggo semak berduri. Ning, sakdurungé panciné panas,
Gusti Allah nggawé semak berduri kuwi, sing teles lan sing garing, kabur kaya kena badai.+
10 Wong sing bener seneng merga Gusti Allah wis mbales wong sing jahat.+
Sikilé wong sing bener kuwi bakal teles kena getihé wong sing jahat.+
11 Terus wong-wong bakal kandha, ”Wong sing bener mesthi bakal éntuk upah.+
Pancèn ana Gusti Allah sing ngadili bumi.”+