PITAKONAN 11
Piyé keadaané wong mati?
”Wektu manungsa mati, dhèwèké bali dadi debu.
Wektu kuwi, dhèwèké wis ora mikir apa-apa manèh.”
”Wong sing urip ngerti nèk bakal mati, tapi wong mati ora ngerti apa-apa. . . . Apa waé sing isa mbok tindakké, tindakna kuwi sak kuwaté tenagamu, merga ora ana kegiatan, pengetahuan, utawa kawicaksanan ing Kuburan, yaiku panggonan sing bakal mbok parani.”
”Yésus ngomong manèh, ’Lazarus, sahabaté awaké dhéwé wis turu, ning aku mrana arep nggugah dhèwèké.’ Sakjané, maksudé Yésus yaiku Lazarus wis mati. Ning, murid-muridé mikir nèk maksudé Yésus yaiku Lazarus lagi turu kanggo istirahat. Yésus terus terang ngandhani murid-muridé, ’Lazarus wis mati.’”