Apa Panjenengan Gelem Nindakaké Kersané Yéhuwah?

Matur nuwun merga panjenengan wis gelem nyinaoni buku iki kanggo ngenal Seksi-Seksi Yéhuwah, mangertèni gawéané, lan nggatèkaké sing ditindakaké pakumpulané. Muga-muga panjenengan dadi ngerti yèn Seksi-Seksi Yéhuwah iku wong-wong sing nindakaké kersané Yéhuwah ing jaman saiki. Apiké, panjenengan terus sinau bab Gusti Allah, nyritakaké sing wis disinaoni marang kulawarga lan kanca-kanca, sarta ajeg srawung karo Seksi-Seksi Yéhuwah ing pakumpulan ibadahé.​—Ibrani 10:23-25.

Yèn terus sinau bab Yéhuwah, panjenengan bakal tambah ngerti yèn Yéhuwah iku tresna tenan marang panjenengan. Asilé, panjenengan bakal kepéngin mbales katresnané. (1 Yokanan 4:8-10, 19) Nanging, kepriyé panjenengan bisa nindakaké kuwi ing urip saben dina? Apa gunané panjenengan manut karo pathokané Gusti Allah? Lan, kepriyé carané supaya panjenengan dadi kepéngin nindakaké kersané Gusti Allah bareng Seksi-Seksi Yéhuwah? Guru Alkitab panjenengan mesthi seneng ngrembug jawabané supaya panjenengan sakulawarga bisa tetep ’ana ing sajroning sihé Gusti Allah, tumuju ing urip langgeng’.​—Yudas 21.

Supaya pangertèn panjenengan bab Gusti Allah tambah akèh, panjenengan bisa nerusaké sinau Alkitab nganggo buku iki ”Tetaplah Berada dalam Kasih Allah”.