PELAJARAN 18

Ana Manfaaté

1 Korintus 9:19-23

RINGKESAN: Mbantu sing ngrungokké bèn isa mikirké topiké lan ngerti manfaaté.

Mikirké apa sing wis dipahami wong sing ngrungokké. Aja mung mbalèni penjelasan sing wis dipahami wong sing ngrungokké. Awaké dhéwé isa nyampèkké topiké luwih cetha manèh.

Singkat waé wektu ngrembug gagasan sing wis dingertèni wong sing ngrungokké, ning aja kesusu wektu njelaské gagasan sing anyar.
Persiapan. Awaké dhéwé isa ngekèki katrangan sing mungkin durung dingertèni wong akèh utawa berita sing paling anyar. Ning, kuwi kudu ana hubungané karo topik sing dirembug.

Wektu persiapan, pikirna pitakonan-pitakonan kaya: ’apa, apa sebabé, kapan, ing endi, sapa, lan piyé’. Pitakonan-pitakonan kuwi lan jawabané isa digunakké wektu nyampèkké topik sing dirembug.
Duduhna manfaaté topik kuwi. Terangna manfaaté ngetrapké ayat sing dirembug. Rembugen ing keadaan apa waé kuwi isa ditrapké wong sing ngrungokké.