Apa Panjenengan Ngerti?
Apa tugasé para pengurus ing jaman Alkitab?
ING jaman Alkitab, wong sing ditugaské kanggo ngurus omah utawa bandha biasané disebut pengurus. Kata Ibrani lan Yunani sing diterjemahké dadi ”pengurus” kuwi ya isa berarti pengawas utawa pengurus rumah tangga.
Salah siji anaké Yakub, yaiku Yusuf, tau dadi pengurus rumah tangga wektu dadi budhak ing Mesir. Alkitab kandha nèk majikané masrahké kabèh bandha sing ana ing omahé ”marang pangwasané Yusuf”. (Pd. 39:2-6) Wektu Yusuf dhéwé dadi penguasa ing Mesir, dhèwèké ya nduwé pengurus rumah tangga.—Pd. 44:4.
Ing jamané Yésus, wong-wong sing nduwé ladhang biasané ora manggon ing cedhak ladhangé. Dadi, dhèwèké nduwé para pengurus kanggo ngawasi wong-wong sing nyambut gawé ing ladhangé.
Sapa sing isa dipilih kanggo dadi pengurus? Ing jamané para rasul, ana salah siji penulis saka Roma sing jenengé Columella. Dhèwèké kandha nèk wong sing dipilih kanggo dadi pengurus utawa pengawas kudu ”wong sing wis berpengalaman”. Wong sing dadi pengurus ya ”kudu isa ngawasi para pegawé, ning dhèwèké ora éntuk dadi pengawas sing kejem”. Columella ya kandha, ”Sing paling penting, wong sing dadi pengurus ora éntuk rumangsa wis ngerti sak kabèhé lan dhèwèké kudu gelem sinau.”
Ing Alkitab, ana kegiatan-kegiatan sing ditindakké ing jemaat Kristen sing isa dipadhakké karo tugasé pengurus. Misalé, Rasul Pétrus ngandhani wong-wong Kristen supaya nggunakké anugrah saka Gusti Allah kanggo ”nglayani siji lan sijiné, dadi pengurus sing apik saka welas asihé Gusti Allah sing nggumunké”.—1 Ptr. 4:10.
Ing Lukas 16:1-8, Yésus ya nyritakké perumpamaan soal pengurus. Terus, wektu njelaské soal peristiwa-peristiwa sing bakal kelakon pas dhèwèké dadi Raja, Yésus ngandhani murid-muridé nèk dhèwèké bakal milih ”budhak sing setya lan wicaksana”, utawa ”pengurus sing setya”. Pengurus kuwi nduwé tugas kanggo nyedhiakké katrangan-katrangan sing dhasaré saka Alkitab kanggo wong-wong Kristen ing dina-dina pungkasan. (Mat. 24:45-47; Luk. 12:42) Awaké dhéwé mesthi bersyukur merga isa nampa katrangan-katrangan sing isa nguwatké iman kuwi, sing disedhiakké karo pengurus sing setya kanggo wong-wong Kristen ing sakdonya.