Carané Nawakké Wacan

Buku Kabar Apik saka Gusti Allah!

”Pak, aku seneng isa ketemu panjenengan. Ana kabar sing apik saka Alkitab.* Akèh wong takon apa sebabé Gusti Allah meneng waé pas ngerti kasusahan ing donya iki. Nurut panjenengan, nèk manungsa urip susah apa wis digariské karo Gusti Allah?” Rungokna jawabané. Bukaken bab 5, banjur wacakna paragraf 1 lan 2 sarta ayat sing dicétak miring. Tawakna bukuné lan takonana kapan isa ketemu manèh kanggo ngrembug pitakonan nomer 2.

* Awaké dhéwé isa nggunakké katrangan ing km-IN 1/12: contoné, tembung ”Alkitab” isa diganti ”Kitab Suci” utawa ”buku kuna”. ”Yésus” isa diganti ”nabi Isa”.

Buku Rungokna Gusti Allah Supaya Bisa Urip Salawasé

Bukaken kaca 2-3, banjur takon, ”Apa panjenengan péngin urip ing donya sing kaya ngéné?” [Rungokna jawabané.] Alkitab janji nèk Gusti Allah bakal ngowahi donya saiki dadi panggonan sing kaya ing gambar iki. Ora ana wong lara, mlarat, utawa susah. Ning, awaké dhéwé kudu piyé? [Wacakna Yésaya 55:3, sing ditulis ing kaca 3.] Ayat iki kandha nèk awaké dhéwé kudu ngrungokké lan nyedhak marang Gusti Allah. Ning, piyé carané? Bukaken kaca 4-5, lan rembugen bareng-bareng jawabané. Nèk sing nduwé omah ora ana wektu, bukuné isa panjenengan kèkké lan takon kapan isa ketemu manèh kanggo ngrembug jawabané.