Tambah Trampil Anggoné Nginjil—Mbantu sing Lagi Waé Dadi Penginjil

Apa Sebabé Kuwi Penting: Sing lagi waé dadi muridé Yésus kudu ngerti ’bab apa kang wis didhawuhké’ Yésus. Kuwi klebu mulang wong-wong bab sing bener. (Mt. 28:19, 20) Ana sing wis isa mèlu Sekolah kanggo Mulang Alkitab lan wis nginjil ora resmi marang keluargané utawa kancané. Wong-wong kuwi ngetrapké wulangan sing disinaoni lan ngerti nèk Yéhuwah péngin kabèh wong krungu kabar apik. Dadi, wong-wong kuwi isa waé péngin mèlu martakké kabar apik. (Rum 10:13, 14) Sakwisé dadi penginjil sing durung dibaptis, wong-wong kuwi kudu dibantu lan dilatih bèn luwih kendel anggoné nginjil.—Lk. 6:40.

Carané:

Sing lagi waé dadi penginjil dibantu piyé carané éntuk wacan kanggo nginjil lan mulang Alkitab. Kandhanana apa waé sing kudu digawa pas arep nginjil, lan terangna tujuané wacan-wacan kuwi digawa.
Pas arep nginjil, isa bareng-bareng latihan dhisik salah sijiné cara nawakké wacan sing ana ing Kagiyatané Abdiné Allah. Kandhanana nèk nginjil aja padha plek kaya contoné, ning apiké nganggo ukarané dhéwé. Latihané isa nganggo tuntunan saka buku Sekolah Pelayanan kaca 82, lan pilihen sing cocog karo kahanan ing dhaérahé dhéwé-dhéwé. Sing lagi waé dadi penginjil diélingké pentingé nganggo klambi lan dandanan sing pantes pas nginjil.—2 Kr. 6:3, 4.
Sing lagi waé dadi penginjil dilatih terus bèn saya trampil. Duduhna kertu dhaérah, lan ajarana carané nyathet sapa sing ditemoni ing catatan dari rumah ke rumah. Duduhna uga carané nyathet sapa waé sing gelem nampa kabar apik. Terus ajarana nggunakké jw.org lan buku Kabar Baik bagi Orang-Orang dari Segala Bangsa pas nginjil. Nèk ketemu wong sing gelem ngrungokké, kandhanana carané marani manèh nganti sing nduwé omah gelem sinau Alkitab.—1 Kr. 3:6.
Kudu sabar lan aja lali ngalem. (WB. 25:11) Dadia conto sing apik. Sing semangat nèk nginjil lan gatèkna kebutuhané sing lagi waé dadi penginjil. Kuwi isa mènèhi asil sing apik nganti sakterusé.

Sesasi Iki Cobanen Cara Iki:

Nginjila bareng karo sing lagi waé dadi penginjil, ajaken pas lagi marani manèh lan sinau Alkitab ing omah. Nèk ora nduwé murid sing dilatih, isa ngajak penginjil sing durung pati trampil, nginjil bareng karo panjenengan.