Gunakna Bagéan-Bagéan sing Ana ing Buku Alkitab Ajarkan

Wektu siswa sinau wulangané Alkitab banjur ditrapké, dhèwèké bakal saya cedhak karo Yéhuwah lan nduwèni sipat-sipat sing apik. (Ms. 1:1-3) Awaké dhéwé isa nggunakké bagéan-bagéan sing ana ing buku Alkitab Ajarkan kanggo mbantu dhèwèké.

Pitakonan ing Wiwitané Bab: Ana pitakonan ing wiwitan saben bab, sing jawabané ana ing bab kuwi. Pitakonan kuwi ora kudu dijawab. Kuwi mung bèn wongé péngin ngerti apa sing bakal dirembug mengko. Panjenengan uga isa ngongkon dhèwèké njawab singkat waé. Nèk jawabané salah, ora perlu dibenerké wektu kuwi. Jawabané mau isa mbantu panjenengan mutuské bab endi waé sing perlu diterangké luwih cetha.​—WB. 16:23; 18:13.

Apendiks: Nèk siswa ngerti lan nampa wulangan ing bab-bab sing disinaoni, panjenengan isa ngongkon dhèwèké maca dhéwé apendiks sing ana hubungané karo bab kuwi. Wektu sinau manèh, panjenengan isa ndelok apa dhèwèké wis ngerti tenan apendiks kuwi. Nèk pancèn perlu, panjenengan isa ngrembug apendiks kuwi wektu sinau. Isa nggunakké pitakonan sing wis disiapké sakdurungé, timbang mung maca paragrafé.

Kothak Wulangan: Kothak wulangan ana ing pungkasané saben bab. Kuwi isiné jawaban saka pitakonan ing wiwitané bab. Panjenengan isa nggunakké kothak iki kanggo nakoni apa siswa wis ngerti tenan, lan isa nerangké bab sing penting saka wulangan kuwi. Wacanen bareng-bareng saben ukara lan ayat sing ana ing kono, nganggo swara. Banjur, siswa kuwi kon nggunakké ayat mau kanggo nerangké apa sebabé ukara mau bener.​—PR. 17:2, 3.