Percayaa marang Yéhuwah lan Tindakna sing Bener

”Aja mèri marang wong kang culika”

37:1, 2

• Aja mèri karo wong jahat sing uripé kétok pénak, merga kuwi isa ngganggu ibadah panjenengan marang Yéhuwah. Terusa mikirké berkah lan tujuan ngabdi marang Yéhuwah

”Kumandela marang Pangéran Yéhuwah lan nindakna kabecikan”

37:3

• Percayaa nèk Yéhuwah bakal ndhukung wektu panjenengan bingung lan kuwatir. Yéhuwah bakal mbantu panjenengan tetep setya

• Terusa mempeng martakké kabar apik

”Lan bungaha marga saka Sang Yéhuwah”

37:4

• Gawéa jadwal maca lan mikirké Alkitab, bèn isa ngerti luwih akèh bab Yéhuwah

”Uripmu pasrahna marang Pangéran Yéhuwah”

37:5, 6

• Nèk percaya tenan marang Yéhuwah, kuwi bakal mbantu panjenengan ngadhepi masalah

• Terusa nindakké sing becik wektu ngadhepi alangan, aniaya, utawa fitnah

”Kowé menenga ana ing ngarsané Sang Yéhuwah lan nganti-antia marang Sang Yéhuwah”

37:7-9

• Aja grusa-grusu, merga kuwi marahi ora bungah lan ngganggu hubungan karo Yéhuwah

”Balik wong kang andhap-asor iku bakal padha olèh warisan bumi”

37:10, 11

• Tetepa andhap-asor, lan ngentèni Yéhuwah nyingkirké kabèh sing ora adil sing wis tau panjenengan alami

• Terusa ndhukung para sedulur seiman, lan nggedhèkké atiné sing lagi susah nganggo cara nyritakké nèk Pirdus ora suwé manèh