Apa Panjenengan Nggunakké Kertu Kontak JW.ORG?

Merga sengsara gedhé wis saya cedhak, gawéan nginjil dadi penting banget. (WB 24:11, 12, 20) Awaké dhéwé isa nggunakké kertu kontak kanggo mbantu wong-wong ngerti bab Alkitab lan situs Wèb Seksi-Seksi Yéhuwah. Ing kertu kuwi ana kode sing isa di-scan kanggo ndelok vidhéo Apa Sebabé Perlu Sinau Alkitab? lan undangan kanggo éntuk luwih akèh katrangan utawa sinau Alkitab. Ana sing ora gelem nampa wacan Alkitab ning gelem mbukak situs Wèb Seksi-Seksi Yéhuwah. Mula, aja gojag-gajeg kanggo mènèhi kertu kontak. Ning, aja ndèlèh kertu kuwi ing omah sing ora ana wongé utawa ngekèkké marang wong sing ora gelem nampa.

Wektu nindakké kagiyatan saben dina, panjenengan isa ngomong marang sapa waé sing ditemoni, ”Aku arep mènèhi kertu iki. Ing kertu iki, ana katrangan bab situs Wèb Seksi-Seksi Yéhuwah. Ing situs kuwi ana akèh katrangan lan vidhéo sing ngrembug akèh bab. Kuwi kabèh gratis.” (Yo 4:7) Merga kertu kuwi cilik, panjenengan isa nggawa luwih saka siji bèn isa diwènèhké wong liya kapan waé.