Lagu-Lagu Kerajaan sing Isa Nguwatké

Paulus lan Silas nyanyi muji Yéhuwah wektu dipenjara. (PR 16:25) Ing jaman modhèren, para sedulur nyanyi lagu Kerajaan wektu ana ing kamp konsèntrasi Sachsenhausen Nazi Jerman lan wektu ditawan ing Siberia. Kuwi dadi bukti nèk lagu-lagu Kerajaan kuwi isa nguwatké wong-wong Kristen wektu ngadhepi tentangan.

Ora suwé manèh, buku nyanyian anyar sing judhulé ”Sing Out Joyfully” to Jehovah bakal ana ing akèh basa. Sakdurungé nduwé buku kuwi, wektu ibadah keluarga, kita isa ngapalké lan latihan nyanyi lagu Kerajaan sing saiki wis ana. (Éf 5:19) Banjur, wektu ngadhepi tentangan, roh suci bakal mbantu kita ngéling-éling lagu Kerajaan sing isa nguwatké lan mbantu bèn terus mikirké janjiné Yéhuwah. Lan senajan ora lagi ngadhepi tentangan, lagu-lagu sing nggedhèkké ati kuwi isa mbantu kita tetep bungah lan nyanyèkké ”lagu-lagu gembira kang sora”. (1Bb 15:16; Ms 33:1-3) Dadi, lagu-lagu Kerajaan kuwi pancèn isa nguwatké kita.

DELOKEN VIDHÉO LAGU SING NGUWATKÉ PARA PEKERJA PAKSA. BANJUR JAWABEN PITAKONAN-PITAKONAN IKI:

• Ing kahanan apa Sedulur Frost nggawé lagu?

• Piyé lagu-lagu Kerajaan isa nguwatké para sedulur ing kamp konsèntrasi Sachsenhausen?

• Ing kahanan apa waé lagu-lagu Kerajaan isa nguwatké panjenengan?

• Panjenengan péngin ngapalké lagu Kerajaan sing endi?