Tambah Trampil Nginjil​—Marani Manèh

PENTING MERGA: Akèh wong sing minat karo kabar apik bab Kratoné Allah lan péngin ngerti wulangan sing bener bab Gusti Allah. (Yé 55:6) Mula, kita kudu ajeg marani manèh bèn isa terus mulangké Alkitab. Carané kita mupuk minaté wong-wong ora padha merga masalah sing diadhepi saben wong béda-béda. Mula, sakdurungé marani manèh, kita kudu nggawé persiapan sing apik, lan nduwé tujuan. Tujuan utamané yaiku kanggo miwiti sinau Alkitab.

CARANÉ:

• Ngupayaa kanggo cepet marani manèh. Aja kesuwèn.​—Mt 13:19

• Kudu ngajèni lan grapyak

• Sakwisé ngomong kulanuwun, kita isa nyebutké jenengé wong kuwi. Élingna alesané panjenengan teka manèh. Contoné, arep njawab pitakonan, mènèhi majalah sing paling anyar, nduduhké situs wèb jw.org, nyetèlké video, utawa nduduhké carané sinau Alkitab. Cocogna rembugané nèk wong kuwi nyebutké bab liya sing luwih disenengi.​—Fp 2:4

• Rembugen ayat Alkitab utawa wènèhana wacan kanggo mupuk minaté. (1Kr 3:6) Ngupayaa kanggo nduwé hubungan sing akrab karo wong kuwi

• Tinggalana bahan kanggo marani manèh