Kabèh Masalah Mesthi Isa Rampung

Nèk lagi ana masalah awaké dhéwé isa cilik ati, apa manèh nèk masalahé ora rampung-rampung. Mbiyèn, Daud ya tau nduwé masalah karo Raja Saul. Tapi, Daud yakin nèk masalahé mengko mesthi isa rampung lan dhèwèké bakal dadi raja, kaya janjiné Yéhuwah. (1Sam 16:13) Merga percaya karo Yéhuwah, Daud isa tetep sabar lan manut karo Yéhuwah.

Pas lagi ana masalah, mungkin awaké dhéwé nduwé cara-cara kanggo ngatasi masalahé. (1Sam 21:12-14; WB 1:4) Tapi, kadhang masalahé isih tetep ana, meskipun awaké dhéwé wis ngupaya ngetrapké pathokané Alkitab. Nèk ngono, awaké dhéwé kudu sabar lan percaya karo Yéhuwah. Ora suwé manèh, Yéhuwah bakal nyingkirké kabèh kesusahan lan ”ngusapi air matané” awaké dhéwé. (Why 21:4) Kabèh masalah mengko mesthi isa rampung, embuh merga ditulungi Yéhuwah utawa merga alesan liya. Makané awaké dhéwé ora perlu kuwatir.

DELOKEN VIDÉO UMAT SING BERSATU SENAJAN LIYANÉ ORA RUKUN, TERUS JAWABEN PERTANYAAN-PERTANYAAN IKI:

• Masalah apa waé sing dialami para sedulur ing Amerika Serikat bagéan kidul?

• Apa buktiné nèk sedulur-sedulur kuwi sabar lan perduli karo wong liya?

• Apa buktiné nèk sedulur-sedulur kuwi tetep ngutamakké ”sing luwih penting”?​—Flp 1:10