Urip ing Firdaus Kuwi Kaya Apa?

Yéhuwah mberkahi Adam lan Hawa. Purwaning Dumadi 1:28

Yéhuwah nyiptakké wong wédok sing pertama, yaiku Hawa, bèn dadi bojoné Adam.​—Purwaning Dumadi 2:21, 22.

Pikiran lan badané Adam lan Hawa kuwi sampurna, ora ana cacadé.

Adam lan Hawa manggon ing Taman Èden. Taman Èden utawa Firdaus kuwi panggonan sing apik banget. Ing kono ana kaliné, ana akèh wit sing buahé énak dipangan, lan ana kéwan-kéwan.

Yéhuwah ya omong-omongan lan mulang Adam lan Hawa. Nèk gelem ngrungokké Gusti Allah, Adam lan Hawa bakal urip saklawasé ing bumi.

Yéhuwah ngomong nèk ana wit sing buahé ora éntuk dipangan. Purwaning Dumadi 2:16, 17

Ing taman kuwi ana wit sing buahé ora éntuk dipangan. Yéhuwah ngomong nèk mangan buah kuwi Adam lan Hawa bakal mati.

Ana malaékat sing nglawan Gusti Allah. Malaékat sing jahat kuwi disebut Sétan si Iblis.

Sétan péngin Adam lan Hawa ora manut Yéhuwah. Mula liwat ula, dhèwèké ngapusi Hawa. Dhèwèké ngomong nèk Hawa mangan buah kuwi, Hawa ora bakal mati, ning malah dadi kaya Gusti Allah.​—Purwaning Dumadi 3:1-5.