Apa Sebabé Kudu Ngajèni Ibadah sing Sejati?

Bait sing didelok Yéheskièl kuwi isa nguwatké wong-wong Yahudi sing ana ing pembuwangan merga ngekèki pangarep-arep nèk ibadah sing sejati bakal dipulihké. Ing dina-dina pungkasan, ibadah sing sejati ”bakal ngadeg jejeg ing sadhuwuré gunung-gunung”. Wong-wong saka ”sakèhing bangsa” padha ”gumrudug mrana”. (Yé 2:2) Apa panjenengan terus mikirké lan ngajèni hak istiméwa isa kenal karo Yéhuwah lan dadi abdiné?

BERKAH-BERKAH SAKA IBADAH SING SEJATI:

• 

  Panganan rohani sing ora ana entèké nyedhiyakké jawaban kanggo pitakonan-pitakonan penting bab urip, pathokan-pathokan sing isa ditrapké, lan pangarep-arep sing isa dipercaya.​—Yé 48:17, 18; 65:13; Rm 15:4

• Paseduluran sakdonya sing padha nresnani siji lan sijiné.​—Ms 133:1; Yo 13:35

• Hak istiméwa dadi kanca kerjané Gusti Allah, kuwi gawéan sing nyenengké.​—PR 20:35; 1Kr 3:9

• ’Tentrem-rahayu saka Gusti Allah’ sing isa nguwatké wektu ngadhepi kasusahan.​—Fp 4:6, 7

• Hati nurani sing resik.​—2Tm 1:3

• ’Pasrawungan kang celak’ karo Yéhuwah.​—Ms 25:14

Piyé carané nduduhké nèk aku ngajèni ibadah sing sejati?